Аневризмите на торакалната аорта, кои го зафаќаат дисталниот лак на аортата и прокси- малната десцендентна аорта, традиционално беа третирани со две одвоени отворени хируршки процедури. Во првата фаза, преку медијална стернотомија, третирана е патологијата на лакот на аортата. Неколку недели или месеци подоцна, следува втората фаза, во која, преку латерална торакотомија, се довршува и поправката на десцендентната аорта. Во овој случај прикажуваме поправка на аневризма што го опфаќа дисталниот лак на аортата и проксималната десцендентна аорта, во една фаза, со употреба на оперативна техника т.н. „Frozen Elephant trunk". За замена на аневризматскиот дел од лакот на аортата и исклучување на аневризматскиот дел од десцендентната аорта, преку медијална стернотомија, поставена е хибридна васкуларна стент графт протеза, специјално дизајнирана за третман на екстензивни аневризми на овој дел од аортата, применувајќи билатерална антеградна церебрална перфузија и умерена (средна) системска хипотермија за интреоперативна органска протекција. [ABSTRACT FROM AUTHOR]