Повредите на рамениот нервен сплет сè уште се хируршки предизвик за секој хирург што третира пациенти со повреди на БП. Повредите на брахијалниот плексус можат да се поделат на повреди на горното стебло, проширен тип на повреда, повреди на долното стебло и комплет- на лезија на сите корени со висечка рака. Разликуваме пет анатомски делови на брахијалниот плексус: корени, стебла, дивизии, снопови и завршни гранки. Завршува со пет терминални гранки одговорни за инервација на горниот екстремитет, мускуло-кожниот нерв, средиштен нерв, пазувен нерв, радијалниот нерв и улнарниот нерв. Во зависност од добиените резултати од предоперативно направените иследување, во комбинација со функционалниот дефицит откриен при клиничкиот преглед, типот на повреда на БП ќе биде установена и ќе се одлучи која е соодветната хируршка процедура за третман на пациентот од повеќето можни процеду- ри (невролиза, нервен трансплантат, невротизација, артродеза, трансфер на тетиви, слободен мускулен трансфер, бионичка реконструкција), кои се употребуваат при третман на повреди на брахијалниот плексус. [ABSTRACT FROM AUTHOR]