Candida species се опортунистички квасници, кои можат да бидат сериозна закана за имунокомпромитираните и критично болните лица, и се причина за зголемен морбидитет и морталитет кај хоспитализирани пациенти. Целта на оваа студија беше да се определи фреквенцијата и дистрибуцијата на различни видови Candida species во клинички примероци од лица со ризик за развој на фунгални инфекции, и да се определи профилот на осетливост на инвазивните изолати на Candida species кон антифунгални агенси. Во тек на двегодишен период, клинички примероци од 120 пациенти, поделени во 4 групи, беа анализирани на Институтот за Микробиологија и паразитологија во Скопје, Ме- дицински факултет, Скопје, Македонија. Секоја група се состоеше од примероци од 30 пациенти, со примарен имун дефицит, критично болни пациенти лекувани во единици за интензивно лекување (ЕИЛ), пациенти со мукозна кан- дидијаза и пациенти со цистична фиброза. Сите примероци беа испитувани со конвенционални миколошки мето- ди. Идентификацијата на Candida species се изведуваше со VITEK-2 систем (bioMérieux, France). Е-тест стрипови на флуконазол, вориконазол, амфотерицин Б и каспофунгин (AB bioMerieux, France) се користеа за испитување на про- филот на осетливост на инвазивните изолати на Candida species. Во оваа студија, беа изолирани 115 соеви на Candida species од различни клинички примероци (91 изолати од мукозни површини и 24 изолати од крв). Колонизација на мукозните површини на гастроинтестиналниот, респираторниот и уринарниот тракт беше регистрирана кај 56,67% (17/30), 56,67% (17/30), 90% (27/30) и 100% (30/30) примероци од првата и втората група, третата група, четвртата група, соодветно. Во сите четири групи на пациенти, беа докажани следните специеси: C. albicans - 55%, C. glabrata - 17,6%, C. рarapsilosis - 7,7%, C. tropicalis - 6,6%, неидентификувани C. species - 4,4%, C. dubliniensis - 3,3%, C. kefyr - 2,2%, и по еден изолат од C. rugosa, C. pelliculosa и C. krusei. Позитивна хемокултура беше регистрирана кај 23,33% примероци од првата група, 43,33% од втората група, 23,08% од третата група, и кај еден примерок со цистична фиброза. Најчести изолати од хемокултура во првата група беа C. tropicalis и C. krusei, следени од C. albicans, C. parapsilosis и C. tropicalis, а во втората група подеднакво застапени беа C. albicans и C. pelliculosa, следени од C. parapsilosis и C. glabrata. Сите инвазивни изолати на Candida species беа осетливи на амфотерицин Б, вориконазол и каспофунгин. Резистенција кон флуконазол беше регистрирана кај 8,3% (2/24) од соевите на Candida species (C. krusei). Осетливост во зависност од дозата кон флуконазол беше докажана кај 46% (11/24) од инвазивните изолати. Нашата студија ја потврдува високата преваленција на колонизација и кандидемија со non-albicans Candida species. Резистенција кон антифунгални агенси беше најдена само кај два изолати на C. krusei. Неопходно е епидемиолошко следење на динамиката на кандидемијата и одредување на профилот на осетливост на инвазивните изолати на Candida species кај нашите пациенти. [ABSTRACT FROM AUTHOR]