Синдромот на среден лачен лигамент (median arcuate ligament syndrome - MALS) е ретка состојба, која често се занемарува како резултат на нејзините неспецифични симптоми. Обично се манифестира со гадење, надуеност, абдоминална постпрандијална болка и губење на телесната тежина. Дијагнозата на MALS вообичаено е одложена и се поставува со исклучување на другите причини за појава на овие симптоми. Дијагнозата на овој синдром се заснова на клиничката пре- зентација и на радиолошките наоди на компјутерска томографија ангиографија (КТА) и магнетна резонанца ангиографија (МРА). Хирургијата е третман на избор, со ветувачки резултати од лапа- раскопската хирургија. [ABSTRACT FROM AUTHOR]